125-муьн сали эз руз хьэсуьл омореи Юно Семенове – шогьире, драматурге ве режиссере
Юно Семенов нуьвуьсди мэхсерегьо пьесагьо э вэхд ю герек гьисдигьо гъосуьтгьо: параменд сохдеи тозе социалистически инсоне, боржбери э куьгьне гьевелинегьоревоз, гьеммееки вокурдеи тозе зиндегунире
Имисал иму мигировуним мигlид юбилей. мэгlрифетлуье жугьур-догъи нуьвуьсдегоре, драматурге, шогьире. Мэгlлуьмлуье эдебиетдануьсдегор, гlилмчи жугьур-догъи эдебиете Г.Б.Мусаханова э книг хуьшде «Тати эдебиет (нуьвуьсдеи торих.1917-1990)» нуме Юно Семенове гирди чуь еки эз сергуьрдегор жугьургьо-до- гъи совети эдебиет ве театральни мэгlрифет.
Юно Семенов хьэсуьл омори э 1899-муьн сал э Дербенд э кифлет фэхьле. Вегуьрди юридически данани э Ленинград. Эз сергири 1920-муьн салгьо у сер гуьрди эдебиети корисохире, ве унегуьре э Дербенд бисдо суьфдеи драматург ве режиссер театральни коллективе. Эз 1932-муьн сал ведешенде омори э товуш нуьгь книггьо эну (гуьнжуьнде эз хуьшде вози). Э 1936-муьн сал кифлет гирошди э Баку. Э 1941-муьн сал уре рэхь сохди э довгlо. Ве гьемме салгьо довгlо уре гузет сохди зен ве пенж гlэилгьо. У довгlо сохди те эхир довгlо – те Бараси. Кифлет вегуьрдебу когъозгьо эз довгlо, ве дануьсди, комини гъозиегьо гирошде, ихдилот сохдеи э товун угьо э гъовумгьо ве куьндлуьегьо. Эхир довгlо Юно Шаулович вохурди э Будапешт ве бири верзуьнде оморе медалевоз «Э гъовхогьи верзуьшигьо». Бэгъдовой довгlо дестонгьо Юно Семенове бири гlуьзетлуьи неки э гъэд жугьургьо догъи. Хуьшдени нуьвуьсде оморигьоревоз у несигlэтдори э хундегоргьо ватанхогьи, боворинире э товушлуье биёвгьо. Торихлуь гьечи бири, чуьки э жугьургьо догъи гьевелисовети вэхд эдебиет параменд бири э тенге элогъэ хуьшденкорсохи театральни сенигlэтевоз.
Э гьемме жигегьо – э Губе, Дербенд, Порт-Петровск, Темир-хан-Шуре – ве э екигегьо жигегьо э 1920-муьн салгьо э гуьнжо овурде оморебу хуьшденкорсохи театральни коллективгьо. Зуьнде шекуьлгьо гьэгъигъэти у вэгlэдогьи салгьо, мэгlнигьо, вози сохдеи э сегьне, бирмунушигьо ихдилот сохди э товун социальни э еки офдореи, огол зери эки тозе зиндегуни, тогlин сохдеи тозе беденсуьзе руьхь. Гьечуь, э Дербенд э 1924- муьн сал бири э гуьнжо овурде «Кружок ГЕМ» (жовонгьо жугьур-догъи) э сервори коминики поисдебируьт Юно Семенов ве Манашир Шалумов. Гьэгъигъэт э сегьне гье и кружок вокурде очугъ сохди гьуьнергьо Юно Семенове чуь возирегоре, режиссере, дра- матурге. Эз чуькле возиреи э сегьне кем-кемие коллектив кружок гирошди эки пьесагьо э фирегь лов сохдеи возиреи корисохигьоре. Суьфдеигьо ижире пьесагьо бисдо э гуьнжо овурдеигьо Юно Семенове «Дуь алварчи пусдгьоревоз» ве «Гlэмелдане гъэбиле». Шогьодноме у вэгlэдогьи салгьо, ишуьгъ доре оморигьо э гозити дофусзереигьо, ве эзуновлейге э жофогьо гlилмчигьо, гьэгъигъэтиш шогьиди доре, чуьки Юно Семенов бу биненорегор, суьфдеи драматург ве режиссер жугьургьо-догъи театре э Дербенд э 1930-муьн салгьо, оммо дирте, э сергири 1940-муьн салгьо,- э Баку.
Юно Семенов нуьвуьсди мэхсерегьо пьесагьо э вэхд ю герек гьисдигьо гъосуьтгьо: параменд сохдеи тозе социалистически инсоне, боржбери э куьгьне гьевелинегьоревоз, гьеммееки вокурдеи тозе зиндегунире. Гьемме эз хуьшдени зиндегуни, бурра оморигьо э 1961-муьн сал, Юно Семенов ведешенди нуьгь книг: пьесагьо, повестьгьо, ихдилотгьо, дестонгьо э гъовумлуье зугьун. Э гъэд угьо ижире мэгlлуьмлуье э гуьнжо овурдеигьо, чуь пьесагьо «Зенбебе», «Дуь бирор», драмегьо «Махсум», «Хогьин», комедиёгьо «Пешмуни нехундеи», е бо акти пьеса «Зигил», повесть «Абаси» ве екигегьо. Э нуьвуьсдеигьо эну гуьнжо овурдеигьо ишуьгъ доре омори торихлуье жейлее гъозиегьо у вэгlэдоигьо, э хосиет угьо бири зиёдгуьзелие гьис хенделуье ихдилотгьо, угьо нуьвуьсде омори раче, зуьнде, гlошире зугьуневоз. Расиреи эз суьфдеи виниреи э чумгьо бигlэдотлуье эри иму имбуруз, кейки гъовумлуье зугьун вир сохде хуьшдени гъэножогъире, жуьр-бе-жуьрелуье гоф эз гофноме, гьисдигьо э у синонимгьо, аллегоригьо, раче метафоргьо, бешгъэ тегьер фикире гуфдиреи, комигьоки дорени назуьке сое кеши гъэдуьр гоф ве мэгlэнолуьи фикиргьоре ве нуьвуьсдеигьоре. Э хундеи нуьвуьсдеигьо эну гуьнжо овурдеигьоре нушу доре бире гъозие недебиреи дуь эз еки вегуьрдеи, меселен, эз зугьун уруси, чуь э песини, омборте дирте салгьо, ведилуьи сеч биреи дуь эз еки нуьвуьсдеигьо екиге нуьвуьсдегоргьо, нуьвуьсде оморигьо э гъовумлуье зугьун: э вэхдевоз дуь эз еки вегуьрдеи эз зугьун уруси, диеш омборте бирени. Варасирени, чуьки ижире тегьер дегишигьо э нуьвуьсдеигьо шогьоди доре э товун кем-кемие вирсохи согъэ гофгьо биригьо э жире-бе-жирее вэхдгьо угьо гуьнжо омореи ве нуьвуьсдегоргьоревоз, ве песдеине эрхэгьо гъовуме зугьун, чуь шогьоди доре э товун косиббиреи желдлуье гофноме.
Имбуруз, э мигле 20-муьн салгьо XXl девр, овхьол гъовуме зугьун, гьелбетте, гъувотлуь дегишбири э корисохи ёгъинлуь-торихлуье гъозие. Жэгlмимэгlлуьми, чуьки жэми- гlэт жугьур-догъи э гъовуме зугьуневоз зигьисдени э ом- боремиллетлуье ве омборезу- гьуни гlуьлом ве у, э кемие гъэдер дуьзугьуни, оммо кими вэхд ве сезугьуни э гьемме вилеетгьо гьейвэхдине угьо зиндегуни: э Уруссиет, Исро- ил, Азербайджан, Германие, США, Канаде ве э екигегьо ви- леетгьо. Гъонунлуьи э ижире гъозие-гъэдер иловлеи, чуь- там варасирени сенигlэткор зугьунданани, зофру биреи гъиметлуьи гъовуме зугьуне, кейки гъовуме зугьун кем ке- мие мибу вир сохде корсохи дорунзугьуни э гъэд жугьур- гьо-догъи. Нисе доре бовори- ни овхьол дошдеи зугьуне э гъэд жугьургьо, кейки э омбор- те кифлетгьо жугьургьо-догъи гъовумлуье миллетлуье зугьун не гировунде оморе эз эрхэ э эрхэ, чуь лап вожиблуьи эри эну песдеине зиндегуни бо- жеренемэгlрифет. Гьэгъигъэт э сереботи гье и гъозиегьо зугьун жугьургьо-догъи бири деберде Гlэрейхэлгъие ассоциацие зугьундананигьо ве ЮНЕСКО гьеле э 2010-муьн сал э «Атлас зугьунгьо гlуьломе, гьисдигьо э пушой гьелебуле нисд биреи».
Гьемме иму дануьсденим, комини келе жуьр-бе-жуьрее тарафлуье кор э рэхькори хундеире, дошдеире ве фирегъ мэгlлуьм сохдеи гъовуме зугьуне гировундени Фонд СТМЭГИ омборте дегьи сал, сергуьрдеи эз 2014-муьн сал. Э гъэд гье и корисохи Фонд дофус зере омборе гъэдер хундение эдебиет, гофномегьо, возирение эдебиет э гъовуме зугьун, оммо, эз гьемме вожиблуь – э гуьнжо овурде хундеи гъовумлуье зугьуне э екшобботи гlэили школегьо э жэгlмиет дин-догlоти бинелуье мескенгьо жугьургьо-догъи, э зугьунгьо нубохундеи кружокгьо эри келетегьо, ве гьемиге э гlилмлуье программе э гъовумлуье зугьун э хьуькуьмлуье уруссиети вуз: РГУ нум А.Н. Косыгина. Воисдени риз кешире вожиблуье кор венгесдеи э кор хундеи э дерс зугьун жугьури нуьвуьсдеигьо гуьнжо овурдеи сечсохдение нуьвуьсдегоргьо жугьургьо догъи, драматурггьо, шогьиргьо, чуь Юно Семенов. Жугьургьо догъи гьисди сэ- хьиб гlошире зугьуние мироси гьишде оморигьо мэгlрифет- луье нуьвуьсдегоргьоревоз, комигьоки э гуьнжо овурди эн хуьшдени нуьвуьсдеигьоре э гъовуме зугьун э жире-бе-жирее салгьо, оммо гьемиге фирегьутегьерлуье жерге хэлгъи серлэгlэи гуьнжо овурдеи, комигьоки гьисди у бине, э хундеи ве хундеи дануьсдеи ко- мигьоки гlэмел миёв ве гереки вокурде тозеден вогордундеи зугьун жугьургьо догъи. Электронни китобхоне Фон- де СТМЭГИ, э коминики гьис- ди гуьнжо овурде нуьвуьсдеи- гьо Юно Семенове ве омборе екигегьо нуьвуьсдегоргьоре, нуьвуьсдигьо э гlошире ве жи- ре-бе-жирее гъовуме зугьун, гьисди келе кумекии ве э гье у тербие дорение бине э со- водлуье корисохи, коминики сергуьрдегор бири Фонд ве э кор венгесдеи имбуруз э шко- легьо, кружокгьо ве э гlилмие программе э зугьун жугьури э РГУ нум А.Н.Косыгина. Гьемме гье и жерге кор ку- мекии дореи гъовуме зугьуне э гъэд жугьургьо догъи, ве- ровунде оморенигьо Фондом СТМЭГИ, дешендени э жун келе имидгьо э тозеден вогор- дундеи гье и бинелуье зугьун кемегъэдерлуье хэлгъ Урусси- ет ве э дошдеи гlошире эде- биетлуье мироси, гуьнжолуьи биригьо э угьо омборе эрхэ- гьоревоз жугьургьо догъи шо- гьиргьоре, нуьвуьсдегоргьоре, драматурггьоре, ижирегьо чуь Юно Семенов, эн ки 125-муьн сали гlуьзет сохде имисал. Юно Шаулович Семенов рафди эз и гlуьлом э 1961- муьн сал, у гъовре сохде омо- ри э гъовуме эри эну шегьер Дербенд. Эну пьесагьоре норенуьт э догъи-жугьури театр Дербенде ве те имбурузине руз. Шогьир ве лешгерчи довгlо Юно Семенов – текебури хэлгъ жугьури. Ве диеш омборе эрхэгьо мидануь хунде нуьвуьсдеигьо Юно Шауловиче ве денишире томоше эз эну нуьвуьсде гъозие-гъэдер.
Э суьфдеи рузгьо товушлуье мигlид Хануки э шегьер Дербенд э Муниципальни тати (догъи-жугьури) театр нум Л.Я. Манахимове мибу гировунде хэнделов комедиё э гъовумлуье зугьун э пьеса Юно Семенове «Пешмуни нехундеи» (режиссер верзуьшлуье корсох мэгlрифет РД Джанбулат Габибов). Гъозие-гъэдер пьеса вокурде омори э возиреи гофгьоревоз, тефигlэтиегьо фикирсохи ве хьэзсохие гъ- озиегьо, эз сереботи недани уруси ве гъовуме зугьунгьоре. Оммо гьемме тефигlэтиегьо дим-дуз бире, ве торих бегьем бире э эхир мозоллуье гlэруь- сиревоз.
5-муьн ноябрь – Руз довгlои суре гешдегор - К Дню военного разведчика: Ханука Ханукаев
Ханукаев э есири нум дори хуьшдере татарии Карим Ханбабаев, варасиреи, чуьки эгенер немцигьо мидануь э товун миллет эну, гье у мибу мэгlэнолуь бире дэгъдэгъэлуье гlэжелие дивуни
-ШЕСИЕТ-
5-муьн ноябрь – Руз довгlои суре гешдегор
Ханука Ханукаев зигьисди лап дуразе ве, би боворини, мозоллуье зиндегуни. Эри эну бири мозоли омореи эз буьзуьрге довгlо, ве те эхир рузгьой эну энжэгъ э песой омборе километргьо эз гъовумлуье шегьер Ханука – Дербнде – одомигьо э ёр гуьрди э товун эну ве хьэйронлуь бири игидьети и одомире. Гье и нисди гlэжоиблуь, эхи Ханукаев бу игид гье бирден дуьдуьи вилеетгьо – эн хуьшдени ватан ве дуринее Италие.
Ханука Исакович Ханукаев, хьэсуьл омори э 1922-муьн сал. Гlэили эну ве жовоньети бири чуь эн гьеммейки э у вэхди: варасди хьофдсалие, дануьсди дарафде э кор шофири. Омборте жогьиле одомигьо э у салгьо вокурди эри хуьшде тозе уьфуьггьо, венуьшде рафде э хундеи э келе шегьергьо, Москов ве Ленинград. Оммо Ханука Ханукаев не сохди э вэхди ю фикир э товун биёвгьо вэхд хуьшде: кейки у бири 19-муьн сали, сергуьрди довгlо.
Э суьфдеи ки рузгьо довгlо Ханука Ханукаев нуьвуьсди эрзо, э коминики тевэгъэ сохди фуьрсореи уре э войгей хуьшде гуьре э довгlо. Оммо войге эну гъэлхэнди сохде Ватане э ерэгъевоз э десгьо веровунде омори энжэгъ еки ним сал эз е гъэдер вэхд. 23-муьн январь 1943-муьн сал Кайтагски райдовгlоирэхьберсох огол зери Хануку э лешгери. Гье белки, гьемшегьери довгlои рэхьбер винири чуьниге э жогьиль, чуьнки э жигей э довгlо уре фуьрсори э жирелуье школе. Унжо Ханука тербиевегирди э суре гешдегор-радист ве э рэхь офдори э довгlо. Сер гуьрди рузгьой довгlои сур гешдегоре, пурлуье секонеигьоревоз. Довгlо сохде Хануке Ханукаеве бири э гуьнжуьнде 4-муьни гвардейски Кавкази десде. Э сентябрь полк, э коминики довгlо сохди Ханукаев, бэхшвегири сохди э гъовхогьо э Каховски риз рэхьи, э район Макеевки. Гьэгъигъэт унжо Ханукаев бири суьфдеи гиле ералуь. Бэгъдовой хос биреи Ханукаеве фуьрсори э екиге жиге – 417-муьн стрелкови полк, поисде оморигьо э район Никополе. 8-муьн декабрь 1943-муьн сал э вэхд гъовхо Ханука Ханукаев бири ералуь дуьимуьн гиле ве офдори э есири.
Ханукаев э есири нум дори хуьшдере татарии Карим Ханбабаев, варасиреи, чуьки эгенер немцигьо мидануь э товун миллет эну, гье у мибу мэгlэнолуь бире дэгъдэгъэлуье гlэжелие дивуни. Э мозолли, довгlои бирорьети совети лешгерчигьо бири неки э гофгьо: гьич екиш эз дануьсдегоргьо э товун миллет Ханукаев не дори дануьсде э товун эну, гьеле э лап гурунде гъозиегьо-гъэдер иловлеи. Экуьнди гьерки мэхьшево сохди э товун азади, мэхьшово сохди вогошде э довгlо ве зере миллетперезигьоре, оммо хьэрмэхьгьоре э вирихдеи герек бу вихде бинеденлуь: э сереботи одомифурух гlэжел ми вегуьрд гьеммееки. Ханукаев фикир сохде э товун вирихдеи, энжэгъ эз дуьимуьн гиле дануьсди вирихде: вирихдеи гирошди бэхдлуь, ве десде есиригьо ведарафди э азоди. Омбордекиш, ве Ханукаев, э и зуригьо рафдуьт э итальянски партизани десдегьо. Э мигле 1944-муьн сал итальянскигьо партизанигьо нушу дори эз хуьшде хьуьршлуье гъувот: э 45 бинелуье жигегьой Италие корисохди 724 партизани десде, э комигьоки хьисоб сохде омори те 420 гьозор лешгерчигьо. Ханукаев, вегуьрди эз партизангьо лэгъэм Коля Канукаев, бири э хьисоб дешенде 3-муьн дивизие Giustizia e Liberta э рэхьбер сохдеи Альберто Бьянко. Эну гъовхои рэхь песею омори э догъгьо Италие. Э операцие э азадбиреи Турина эз миллетперезии зафтсохдегоргьо бэхшвегири сохди ве Ханука Ханукаев. Итальянцигьо гьуьндуьр гъимет нори э кумеки сохдеи хьэсуьломорегор Дербенде э азади вилеете. Ханукаев бири бэхшире хьуькуьмлуье бэхшгьо Италие, оммо э Музей Поисдеи э гъэршуй боржбери э Турин э ведилуье жиге асилмиши шекуьл эну.
Э июль 1945-муьн сал Ханукаев тозеден дори нум, ве у рафди э гъуллугъи э 133-муьн стрелкови полк 1-муьн трофейни десде Гъирмизине лешгери. У гъуллугъи сохди шофири э Германие, рэхьбери гьомборе э Австрие ве эхирдеш, эз лешгери вогошдеи э ноябрь 1946-муьн сал, вогошди э гъовумлуье Дербенд.
Ханука Ханукаев нуьшунде омори эри зигьисде э Дербенд э куче Ленина №58 ве гуйге дуразкеши у зиндегунире, коминире гьишди, эри чуьки гъэлхэнди сохде Ватане. У бегьем сохди Буйнакски алварлуье техникум, дарафди э кор шофири-экспедитори э консервни завуд, зен хосди, э кифлет хьэсуьл омори се кук. Э 1985-муьн сал буйругъовоз Министре гъэлхэнди СССР Ханукаев чуь ветеран бу бэхшире орденовоз Келе довгlой Ватани ll степени.
У зигьисди динжлуье зиндегуни асанте одоми: омборгьо не дануьсде э товун гьевелине игидьети Ханукаеве, э товун мердьети, нушудореи э есири ве э итальянски Поисдеи э гъэршуй боржбери. Э 1991-муьн сал Ханука Ханукаев вегуьрди оголзереи э нум хуьшде эз Нелло Стрери – вице мэра шегьер Кунео, бугьо гъовхобер 3-муьн десде «Дузгунлуьи ве азади» ве хьэрмэхь Хануки э гьемме зиндегуни. Ханука Исакович дуь гиле бири э Италие эки хуьшдени гуногъсевенлуье хьэрмэхьгьо. Оммо вэхд, эгь, нисе рэхьми сохде гьеле игидгьоре. Ханука Ханукаев муьрди э 2006-муьн сал э Пятигорск, эже э у вэхд гирошди зигьисде. У эри гьеммишелуьги мунди э ёр инсонгьо дуь Ватангьо, комигьоре кумеки сохди э хилос сохдеи эз миллетперези зэхьметкеши.
***
- ЛИЧНОСТЬ-
5 ноября - День военного разведчика
Ханука Ханукаев прожил очень долгую и, без сомнения, счастливую жизнь. Ему удалось вернуться живым с великой войны, и до конца его дней даже за много километров от родного города Хануки — Дербента — люди помнили о нем и восхищались героизмом этого человека. Это неудивительно, ведь Ханукаев был героем сразу двух стран — своей родины и далекой Италии.
Ханука Исакович Ханукаев, родился в 1922 году. Его детство и юность были обычными для того времени: окончил семилетку, устроился на работу водителем. Многие молодые люди в те годы открывали для себя новые горизонты, уезжали учиться в большие города, Москву и Ленинград. Но Ханука Ханукаев не успел задуматься о своем будущем: когда ему исполнилось 19 лет, началась война.
В первые же дни войны Ханука Ханукаев написал заявление, в котором просил отправить его добровольцем на фронт. Но его желание защищать Родину с оружием в руках исполнилось лишь полтора года спустя. 23 января 1943 года Кайтагский райвоенкомат призвал Хануку в армию. Видимо, местный военком увидел что-то в юноше, поскольку вместо фронта его направили в специальную школу. Там Ханука выучился на разведчика-радиста и отправился на передовую. Начались будни фронтового разведчика, полные опасностей. Воевать Хануке Ханукаеву довелось в составе 4го гвардейского Кавказского корпуса. К сентябрю полк, в котором воевал Ханукаев, участвовал в боях на Каховском направлении, в районе Макеевки. Именно там Ханукаев был впервые ранен. После лечения Ханукаева направили уже в другую часть — 417ю стрелковую дивизию, стоявшую в районе Никополя. 8 декабря 1943 года во время боя Ханука Ханукаев был ранен во второй раз и попал в плен.
Ханукаев назвался в плену татарином Каримом Ханбабаевым, понимая, что, если немцы узнают о его национальности, это будет означать мгновенный смертный приговор. К счастью, воинское братство советских солдат было не на словах: никто из знавших о национальности Ханукаева не выдал его, даже в самых тяжелых обстоятельствах. Почти каждый мечтал о свободе, мечтал вернуться на фронт и бить фашистов, но товарищей по побегу нужно было подбирать тщательно: предатель мог погубить всех. Ханукаев думал о побеге, только со второго раза повезло: побег прошел удачно, и группа пленных выбралась на свободу. Большинство, включая Ханукаева, вскоре оказались в итальянских партизанских отрядах. К середине 1944 года итальянские партизаны представляли собой грозную силу: в 45 провинциях Италии действовали 724 партизанские бригады, в которых насчитывалось до 420 тысяч бойцов. Ханукаев, получивший от партизан прозвище Коля Канукаев, был зачислен в 3ю дивизию Giustizia e Libertà под командованием Альберто Бьянко. Его боевой путь продолжился в горах Италии.
В операции по освобождению Турина от фашистских захватчиков участвовал и Ханука Ханукаев. Итальянцы высоко оценили вклад уроженца Дербента в освобождение страны. Ханукаев был награжден государственными наградами Италии, а в Музее Сопротивления в Турине на видном месте висит его портрет.
В июле 1945 года Ханукаева восстановили в звании, и он продолжил службу в 133-м стрелковом полку 1-й трофейной бригады Красной армии. Он служил шофером в Германии, начальником склада в Австрии и, наконец, демобилизовавшись в ноябре 1946 года, вернулся в родной Дербент.
Ханука Ханукаев поселился в Дербенте на улице Ленина, 58 и словно продолжал ту жизнь, которую оставил, чтобы защитить Родину. Он окончил Буйнакский торговый техникум, устроился работать водителем-экспедитором на консервный завод, женился, в семье родились трое сыновей. В 1985 году приказом Министра обороны СССР Ханукаев как ветеран был награжден орденом Отечественной войны II степени.
Он вел спокойную жизнь простого человека: немногие знали о героическом прошлом Ханукаева, о мужестве, проявленном в плену и в итальянском Сопротивлении. В 1991 году Ханука Ханукаев получил личное приглашение от Нелло Стрери — вице-мэра города Кунео, бывшего бойца 3-й бригады «Справедливости и свободы» и друга Хануки на всю жизнь. Ханука Исакович дважды успел побывать в Италии у своих гостеприимных товарищей. Но время, увы, не щадит даже героев. Ханука Ханукаев умер в 2006 году в Пятигорске, куда к тому времени переехал. Он навсегда остался в памяти простых людей двух стран, которые помогал освобождать от фашистского ига.
На фото Ханука Ханукаев справа
