Здравствуйте. Рассказ на языке джуури, которого предлагаю вашему вниманию в рамках программы сохранения и изучения языка джуури, я услышал у моих родителей, рассказал своим детям, хочу чтобы и вы рассказали этот и другие рассказы из этого цикла вашим детям. Интересующие вас рассказы вы найдёте в моём страницы и страницы «Академия джуури» на фейсбуке и ещё в разделе «Академия джуури» на сайте СТМЭГИ. ТОҸИР ВӘ КУКҺОЈҮ Һәчи ихтилот сохтәнүт ки, ә јә шәһәр амбар ⱨоширә тоҹир дәбири. И тоҹир әз вор - дүвләт совоји сәћиб әгүл, фәрасәт, данәндәји вә кордани бири. Һәммә нүкәр - гәрәвошһојү, ћәрмәћһојү вә ҹәⱨмәтү һәмишә әз јү рази бирәт вә ћүрмәтүрә дошдәт. Әри һәммә дәсү, дүлү фирәһ бири. Оморәни ⱨүмүр ҝирошдәни вә тоҹир сал дарафдәни, дијә әвәлиһој хүштәрә хуно настә кор сохтә. И тоҹиро сә кук бирә, һәрки әз јәки бујлүтә бухунлүтә. Тоҹир амбар фикир сотәни ки, корә ә комини кук тәһвил дү. Хәјли бинивәҝи сохтә бәгдә һорәј зәрәни кәләји кукә вә ҝуфтирәни: - Балајмә, мә имоһој ә сал дарафтәм вә чумһојмә әдәј хәрәб винирә, ә у рәћ чүниҝә сијәји әдәм дирә, - дәсә дураз сохтәни ә тараф рәћ, - әнҹәг сәч нәс сохтәнүм, бура виниш у чүниҝә. Кәләји кук рафтәни, воҝоштәни оморәни вә ҝуфтирәни: - Бәбә, у тү сијәји винирәјһо кәрвони. - Һәри, дијә бәгдә? - Чү дијә бәгдә, тү ҝуфтири бура виниш чүниҝә, мәш рафтүм винирүм ки у кәрвони. - Лап хуб, балајмә, бура согбоши. Әз ⱨәрә јә кәм ҝирошдәни, һорој зәрәни миҝләји кукә вә ҝуфтирәни һә у ҝофһорә, комирә ки ҝуфтирәбу әз кәләји кук. Миҝләји кук ә рәћ офторәни вә јә кәм диртә воҝоштәни ә хунә. Рәћәти сохтә бәгдә оморәни ә ки бәбә: - Бәбә, чү ҝујум, у тү сәч нәсохтәјһо кәрвони. Әз филон шәһәр омори әдәј ә филон шәһәр рафтә. - Һәри балајмә, дијә чү винири, чү шинири? - Ој бәбә! Тү бәҝә ә мә үзҝә ҝофиҝә гәдәгәз зәри ки, мә пүрсүм танүм? Чү ҝуфтирәјҝә урәш танүстүм оморүм. - Лап хуб, балајмә, бура согбоши. Һорој зәрәни чүкләји кукә вә һә и ҝофһорә ҝуфтирәни вә ә рәћ докундәни урә. И кук ә хунә лап дир воҝоштә. Бәбә дүләпәсә бирәни ки, әри чү ⱨәјилү нә воҝошт. Хәјли әз шәв ҝироштә бәгдә чүклә кук, ә лову хәндә вәри оморәни ә хунә, нүштәни ә ки бәбә: - Бәбә ки түни, ҝуш дор мәрә. И тү дирәјһо кәрвон ән тоҹирһоји. Ә кәрвон чүл дәвә дәри, әз уһо сивдү дәвә ә борәвоји, ћәштиҝә борсүзи. Бор ән ингәдә дәвә тәхүли, ән ингәдә чит - парчаји, ән чәнд донә карасти вә хүрдәвоти вә или әхир... . Кәрвончи филонкәси, түрә шинохт вә әри тү дуво ҝуфти. Уһо јә дү-сә рӱз әдәт кәрвонсорәј шәһәр иму појистә. Војистәни үшүрә әз јә хоријҝә оморәниһо молһорә фәм сохут вә руватлүјә молһорә востонүт, вәнүт ә у бушә дәвәһо, бәрүт әри фурухтә. Молһој хүштәрә хирит сохтә бәгдә ә диһ үшү чү гит һистиҝә у чиһорә востәрә вә воҝәштә. Ә дәстә ингәдә тоҹир, гул - гәрәвош вә сәрбаз дәри. Бәбә, һич танустәни чүниҝә, имурә ә анбар јә кәм әз дәс мундә молһо дәри, бијо тү рази бош бәрим у молһорә дим ә и тоҹирһо; фурухут вә воҝошдәнки пул имурә мијорут мидүт. Бәбә јә кәм фикир сохтә бәгдә дәс хүштәрә вонорәни ә дүш ⱨәјил вә ҝуфтирәни: - әз Худо әри тү лово михојүм. Бура чү ҝуфтирәјҝә уһорәш ә ҹиҝә бијор, рәⱨ тү ник угур тү хәјр. Әз и бәгдә корһојмәрә тү ә рәћ имбәри. Анҹәг бирорһојтүрә нәби әз јәр вәдәшәни. Чум тү ә сәр ишү вәбошуҝу. Худо кумәк балајмә. Ә и ихтилотәво војистә ҝујум ки һәр кук кәлә бирә ә кәширә ҹофоһој бәбә - дәдәј вәрзирәни ҝәрдо, гәдүр кәләтәрә данустә вә уһорә тоҹ сохтәни ҝәрдо, ә дүл бәбә - дәдәј ә данандәји вә ә сохтә корһој хүштәрәво шори вә үшүг дәшәно. И ихтилотһорә әри ⱨәјилһошмү ҝоф сохит вә уһош ә ҝәләҹәги әри фәрзәндһој хүштә ҝоф сохут. Худо һәммәшмурә саламат сохо! Геник Исаков. Москва.2020
Читайте также
Все материалы рубрики
Продолжая публикации рассказов на языке джуури, меня интересует Ваше мнение: насколько они интересные и полезные для Вас, о чём вы хотели бы знать и читать? Пожалуйста, будьте активными участниками проекта сохранения и изучения языка джуури. Постарайтесь поделиться своими комментариями на языке джуури. Если каждый день понемногу выделите время на общение на языке джуури, поверьте: мы с вами добьёмся немало успехов в этом важном деле. В эти трудные дни, когда коронавирус свирепствует в мире, угрожая человечеству, мы не должны оставаться в стороне от помощи людям. Хотя некоторым предписано не покидать своих домов, как-то можем духовно поддержать людей, которые нуждается в простом человеческом общении. Мы не должны забывать о том, что из-за страха перед болезнью, у некоторых людей может возникнуть «ложный синдром коронавируса», что может привести к нежелательным последствиям. Почаще связывайтесь с пожилыми родственниками, знакомыми, друзьями с помощью средств связи. Заведите интересные беседы, разговоры с ними, чтобы они не почувствовали себя одинокими. Осмелюсь повторить слова царя Соломона « И это пройдёт!». Да хранить всех Господь Б - г. Геник Исаков. Предлагаю вашему вниманию рассказ из цикла «Ихтилотһој ҹуһури» БӘħС ОФТОЈ ВӘ ВОРВОРИ Хуби вә хәрәби, хәјрхоһи вә бәдхоһи , рәћими вә зобуни һисти хосијјәтһој ән дүл инсон. И хосијјәтһо инсонә әз тараф худоји дорә оморәни вә тә әхир ԧүмүр инсон у дәҝиш нәс бирә. Хубә, хәјрхоһә, рәћмлүјә дүл јә шәⱨмәләрә хуно һәмишә үшүг мидү рәћһорә, шори мидү инсонһорә, ә пишој әхири рӱзһој хүшдәш јә шәԧәмә хуно мисуху вә үшүг мидү инсонһорә, әз у бәгдә и үшүг ә дүл инсонһо мидомуну вә нәсил бә нәсил ә хубирәво ә јәр мидиров. Хәрәбә, бәдхоһә, зобунә дүл јә ҝурҝурә аташ, туфон, зимиләрзә хуно хәрәби мијору, дәрд мидү инсонһорә, у ә пишој ән үшүг хубә дүлһо, офтоји васали әз зимисту мундә ҹилидһорә чүтарз ħәл сохтәҝә, һәчу вир имбу мурав. Һәчи нәгүл сохтәнүт ки, ә јә сәħро офтој вә ворвори ә јәкирәво бәħс бәрдәнүт; ки әз ки гувотлүтәји. Офтој ҝуфтирәни, әлбәт ки мә әз тү гувотлүтәјүм. Ворвори гәзәблү бирәни әзи ҝоф офтој вә ҝуфтирәни: мәрә војистҝә һә и сәԧәт пишој үшүгтүрәш имбәстүм, ә рӱј хори торики мијорум, туфон мисохум. И бәħс ән иһо јә нәтиҹә нәс дорә. Ә и мәгом әз сәħро әдәнбу јә пијодә рафтә. Ворвори ирә дирә ҝуфтирәни: виниш, мә һә и сәԧәт гувотмәрә бурбунум – ә тән ән у вәриһо лободәрә вәкәнүм. Офтој муҝу бошҝу. Ворвори бүтүн гувот хүштәрә һәчи бурбундәни ки, туз тузоног ә ԧәсму варафтә. Пијодәрә әз пој вәнҝәстәни ки лободәјүрә әз тәнү вәкәнү. Әз хиники ворвори ә ҹун пијодә ләрз офторә вә у јәхән лободәрә дијәштәш сәхт бәстәни. Чәнгәдә ворвори ҹәħди сохтәниҝәш настә лободәрә әз тән пијодә вәкәндә. Офтој ҝуфтирәни әз ворвори ки, тү пој виниш имоһој мә чүтарз у лободәрә әз тән ән у мәкәнүмҝә. Офтој булутһорә лов сохтәни вә үшүг хүштәрә лов сохтәни ә ԧилом. Һово ҝәрм ворәморәни вә пијодә ҝуфтирәни: охош, чү хуб бисто вә әри офтој лово хостәни. Һәки ә ҝәрми тоб нәбисто пијодәрә, лободәрә вәкәндәни әз тән хүштә. Офтој ҝуфтирәни әз ворвори: - Ә ħүрш, гәзәб, сүтәмәво ә сәрбәһәм нәјово корһо ә рәħми, үшүг, ҝәрми дүләво вә ширинә зувунәво ә сәрбәһәм мијов. Бил һәмишә рӱзһошму вә рәħħошму үшүглү, дүлһошму рәħмлү, зувунһошму ширин ҝәрдо. Геник Исаков Москва.2020.